Tamil onlinenews: வீட்டில் நின்று கொண்டிருந்த வாகனத்திற்கு சுங்கச்சாவடி கட்டணம்..! அதிர்ச்சியில் உறைந்த உரிமையாளர்..!
1 min read
tamil onlinenews:
சிவகங்கை மாவட்டம் மானாமதுரை அருகே உள்ள ராஜகம்பீரம் கிராமத்தை சேர்ந்தவர் கமர் ரகுமான். இவர் சொந்தமாக 4 சக்கர வாகனம் ஒன்று வைத்துள்ளார். அவரது வாகனம் கடந்த ஒரு வாரமாக வீட்டில் தான் நிறுத்தி வைக்கபட்டுள்ளது.
இந்நிலையில் அவருக்கு மதுரை – ராமேஸ்வரம் சாலையில் உள்ள திருப்பாச்சேத்தி சுங்கச்சாவடியில் இருந்து பணம் எடுக்கப்பட்டுள்ளதாக குறுச்செய்தி வந்துள்ளது. இதனை பார்த்து அதிர்ந்து உரிமையாளர் குறுச்செய்தியுடன் சென்று சம்பந்தபட்ட சுங்கச்சாவடியில் முறையிட்டுள்ளார்.
இது குறித்து பதிலளித்த சுங்கசாவடி மேலாளர் இதற்கும் எங்களுக்கும் எந்த சம்பந்தமும் இல்லை அந்த பணம் எடுத்த நேரத்தில் உங்கல் வண்டி செல்லவில்லை என்று தெரிவித்துள்ளார். இதன் காரணமாக இருவருக்கும் இடையே சிறிது வாக்குவாதம் ஏற்பட்டது.
இது தொடர்பாக பேசிய வாகன உரிமையாளர் அடிக்கடி இது போன்று வங்கிக் கணக்கில் இருந்து பணம் எடுக்கபடுவதாக கவலை தெரிவித்தார். இதை பற்றி கேட்டால் தகுந்த பதில் கிடைப்பதில்லை எனவும் இது குறித்து விரைவில் நடவடிக்கை எடுக்க வேண்டும் என கோரிக்கை விடுத்துள்ளார்.
